Page 34 - JUS

Alex Mathew ta keda sera despues cu a prolonga su detencion

Saturday, 11 February 2017 18:33
Comparti

E conocidonan di husticia Alex Mathew y Ricardo Thomas, kendenan a wordo deteni siman pasa riba
ordo di Ministerio Publico bou sospecho
cu nan a traha un plan pa asesina un Hues di Corte di Aruba, a wordo presenta dilanti Fiscal y Huez
comisario, pa mira si lo prolonga nan detencion. Tanto Fiscal como tambe Hues Comisario, ta haya
necesario pa e dos sospechosonan aki permanece den detencion, mientras cu e investigacion ta den
proceso.

E planeamento di asesinato tin aparentemente di haber cu represaya, pasobra Alex Mathew a wordo
deteni riba ordo di e mesun huez encuenstion, ora cu el a manda un carta di menaza pa su persona. Awor
ta parce cu el a planea y busca un mercenario (“huurmoordenaar”) pa ehecuta e crimen aki.

Ta parce cu Alex Mathew no ta siña di su eterno erornan. Ta na hopi ocasion su persona a haya su mes
confronta cu husticia. Un di e casonan di mas grandi tabata e caso “Estrella”. Den e caso aki, Alex
Mathew a hasi su mes culpable di “Mensenhandel”, cual su persona tawata haci uso di su Bar “Foxy
Lady”, na San Nicolaas, pa cu esaki. Alex Mathew a haya un sentencia di hues e tempo ey, esta na 2013,
di cuatro aña y mei (54 luna) di prizon. Mientras cu e e establicimento cu e nomber “Foxy Lady” mes, a
wordo inaugura dia 27 di maart 2009. Segun rumor, cu Alex Mathew ta bezig ta drechando un edificio
situa den Emanstraat, pa bolbe habri un bar eynan. Alex Mathew hasta tabata tin amistad fuerte cu ex
politiconan den gobernacion anterior y den e gobernacion actual a haci diferente acercamento tambe
pero nunca a dune oido.