Page 52 - JUS

Director di KIA ta lamenta di aresto di cuidado di preso

Sunday, 12 February 2017 11:44
Comparti

Na KIA tin desaroyonan cu ta tumando luga unda cu landsrecherche a detene un empleado di e instituto. Rocco
Tjon, director di e instituto a splica cu ta trata un caso lamentabel caminda cu en berdad un colega di nan a wordo
deteni door di Landsrecherche.

El a sigui splica cu sin bay den mucho detaye riba e caso aki, e maneho cu ta purba di hiba na KIA ta pa purba di haci
e luga mas safe na un y tur den tres aspecto. Uno ta pa duna e detenidonan un bon programa pa nan ta bezig henter
dia. E ta beneficia comunidad tambe. Mas bo tene e detenidonan bezig, mas e stress ta baha den KIA tambe. Na otro
banda tambe ta e siguridad interno, tanto preventivo door di concientisa tur trahado riba aspecto di siguridad y
tambe door di ta mas proactivo cu ora un caso lamentabel sosode ta actua tambe. Integridad ta algo hopi importante
den husticia, en particular na KIA, pasobra e grupo cu tin di traha cun’e lo haci tur posibel pa haci nan situacion den
KIA mas agradabel. Un manera pa haci esaki ta door di acerca coleganan y purba di hayanan asina leu pa haci
cosnan contra regla.

Influencia di afo?

Tjon a splica cu ora ta trata siguridad, bo plan di siguridad tambe, tur bo riesgonan ta wordo menciona den esey. A
base di tur e riesgonan tambe ta tuma accionnan pa percura pa e risiconan aki wordo minimalisa.

Kico ta haya den prizon

Tin accionnan regular ta tuma luga. Hopi biaha tambe inespera pa asina e vangst por ta mas grandi. Ta varia di
telefonnan celular, cantidadnan di droga chikito y armanan blanco, etc. Municion di bala cayente si nunca a haya.

Control na porta

E control na porta ta keda estricto. Tin un maneho cu nan ta mantene y te hasta tin un backup plan pa ora cu
tecnologia faya, e ora ta bay schakel over riba otro procesonan. Ta controla coleganan tambe cu ta drenta. Esey ta
conta pa un y tur. Tur dia cu Tjon mes bay trabao ta wordo controla completamente, mescos cu tur otro hende.

Oferta

Riba e pregunta si nunca nan a yega di fula tera y scucha kico ta e ofertanan cu ta bin di parti di cualkier hende eyfo,