Page 76 - JUS

Varios caso resolvi cu ayudo di e proyecto “Cameratoezicht”
di KPA

Sunday, 12 February 2017 11:47
Comparti

E proyecto di Cameratoezicht cu Minister di Husticia mr. Arthur Dowers, a introducI, ta un di e hermentnan cu ta
yudando e teamnan di investigacion di departamentonan di rechreche, pa resolve varios caso. Henter e proyecto aki
a wordo tuma cu seriedad y ainda por corda cu mester a regla esaki den ley, pa cual proceso ta wordo prepara door di
e departamento huridico DWJZ.

E motibo pa kico cu esaki mester a wordo regla den ley ta obvio. Imagina bo cu polis tin datos di e criminal riba video
den areanan publico, e polis lo pone esaki den su proces-verbaal, señalando tambe e movecion di e sospechoso, e no
ta asina sin mas cu Fiscal na su turno ora di presenta e caso na hues, cu nan lo por y/of mag di haci uso di esaki como
evidencia contundente contra di e sospechoso si esaki no tabata regla den un ley. E ley aki ta detaya, manera por
ehempel, kendenan mag di monitorea e cameranan, cuanto tempo polis y fiscal tin mag di tin e videonan den nan
poder y asina por sigui menciona. Pues no ta un projecto cu asina sin mas por a hisa benta, manera cu nos mes por a
compronde.

Mientras cu fase di test e camaranan aki a wordo hasi na april 2015 y ta tras di lomba, por a compronde cu tur e
camaranan ta funcionando debidamente y cu ya caba tin varios caso cu a wordo resolvi danki na e cameranan aki.