Page 17 - UTILITIES

pa Comunidad y Bario, Ruth Tromp Schoop, kende a splica cu desde cu 2010 e team ta
bishita bario y analisa cual t’e necesidadnan.

“Poco-poco pero sigur nos ta yenando e deseonan cu pueblo tin. Pesey awe nos ta den
Sero Pita, un bario cu practicamente no tabatin luz.”

Tromp a splica cu ta haci un evaluacion di tur e peticionnan y asina ta haci un escogencia
cua ta e bario cu ta bay prome pa haya luz. Pero na final ta tur bario den scuridad mester
haya luz.

“Nos ta contento di yega na Sero Pita. Mi por bisa cu nos ta trata di haci un balance,
poniendo na un parti na Noord, despues Santa Cruz y San Nicolas.

E ta duna nos un satisfaccion hopi grandi na nos cu ta cumpli cu comunidad. Pero e
habitante tambe ta mira cu nos no a bin solamente pa analisa, scirbi y hinca papel den
lessenaar. No.

Nos ta cumpli cu nan deseonan y ta sigui poco-poco pero sigur yenando e deseonan cu e
habitantenan di 2010 pa aworaki.”

Poppy Monte ta un ciudadano y habitante di Sero Pita feliz desde diahuebs anochi. E
tabata presente na momento cu Minister di Asunto Economico Richard Arends a sende e
prome luz den e area ey di Sero Pita unda no tabatin luz.

“E momento aki ta hopi special, pasobra e ta un oracion contesta pa trece claridad den e
bario di Sero Pita y sigui pone luz den tur bario di Aruba. Mi ta satisfecho y contento,”
sra. Poppy Monte a bisa.

http://awemainta.com/sero-pita-a-yega-na-turno-pa-haya-luz-led/

Otro Luna Lo Inicia Construccion Di Solar Park

 Featured

 Local
- 05/05/2017