Page 16 - KPA JAN 20 2017

Temporada di Carnaval ta pone presion riba DOW su

presupuesto

Publication: Thursday, 19 January 2017. Categoria: General

ORANJESTAD (AAN): Marlon Croes, director di DOW a splica cu
Carnaval ta fiesta di pueblo cu DOW e ultimo decadanan tabata haci hopi trabao pa esaki, unda cu ta pone baricada,
ta pone riba e rutanan e wcnan mobiel, tent, drecha e camindanan cu mester, yuda hunto cu e comision di polis,
SMAC y otro instancianan cu ta envolvi cu Carnaval, pa por identifica e areanan unda cu tin post pa ambulance, Rode
Kruis y yuda setup, marca kavel cu DIP y setup e tentnan necesario. Awo cu tin Linear Park, ta pone hekwerk pa
protehe pa e no sufri daño.
Nos ta den temporada di Carnaval, cual ta un temporada hopi druk pa DOW e aña aki, vooral cu nan tin cu parti nan
mes den 100 mil pida e biaha aki. Tin e problema cu awacero, tin Carnaval, drechamento di caminda, etc.
Tin e tendencia unda cu tin hopi auto ta para riba dje, y ta purba di minimalisa esey pa por cuida e inversion cu a
wordo haci den pasado.
Carnaval ta un periodo hopi druk pa DOW, manera ya conoci y tin oranan largo cu hende tin cu draai. No ta haci’e
mucho mas facil debi cu tin hopi awa ta yobe y tin cu asfalta, yena e buraconan den e camindanan di asfalt y tin cu
grader e camindanan di santo pa nan keda accesibel pa e hendenan. A sinti cu manera cu e awa ta yobe, ta manera
hiba awa lama. Es decir cu ta drecha caminda awe y ya otro siman e ta daña.
Den e propio seno di DOW ta studiando kico ta e miho manera pa haci’e duradero y esey ta implica cu tin cu bay
manera por ehempel caminda di santo, bin cu otro tipo di material pa cubri nan cu ta menos receptivo pa daño, door
di awasero cu auto ta core riba dje. Den e proximo simannan lo bay bin cu otro material y test’e, wak con e ta bay
duna resultado. Si e duna bon resultado, pa mantencion di e camindanan di santo, lo sigui aplik’e pa baha e
frecuencia cu ta bishita e careteranan aki y tambe pa e caminda di asfalt cu tin buraco. Ta bay wak con ta bay deal
cun’e awor aki. Por ehempel den weekend tin un team cu tin cu traha riba diasabra pa yena e buraconan cu asfalt
cayente. Lamentablemente e planta di wegenbouw a haya un breakdown cu mester a para trabao. Awo lo bay ta
bezig cu wegenbouw. Ta buscando asfalt friu pa haci mas trabao ainda.