Page 36 - KPA JAN 20 2017


Home
 About
 Advertise
 Agenda
 Contact
RSS
search

Presonan cu a huy di prizon na estado Falcon lo por ta na

Aruba

Publication: Thursday, 19 January 2017. Categoria: Policial
Comunidad mester ta atento!

ORANJESTAD (AAN): E noticia aki a ser emiti diaranzon atardi unda Cuerpo
Policial Aruba ta pidi colaboracion di comunidad. Ta ser pidi pa ta atento riba posibel movecion cu por ta tumando
lugar na Aruba di parti di 6 preso Venezolano cu a huy dialuna ultimo di e prizon “Centro de Coordinacion Policial
Nro.2 de la Policia” di Estado Falcon pa mas o menos 2:00am. Nan no a habri buraco den e murayanan, pa locual ta
kere cu nan a huy via dak.
Pa e hecho aki a detene 8 Polis cu ta bao investigacion. Durante e revision realisa madruga a haya den un telefon
celular di un di e presonan, cu despues di e huymento, nan lo mester a topa cu un auto cu lo a transporta nan na
Punta Macoya, unda aparentemente un boto lo a trece e presonan na un isla den Caribe.
E funcionarionan di Polifalcon ta realisando e investigacion y esfuerso di e servicionan di inteligencia ta buscando e
delincuentenan cu a huy di e prizon na Falcon.
Ta trata di William Xavier Vazquez Muller, Elio Rafael Lopez Molleda, Gregorio Jose Medina Miquilena, Carlos
Alexander Fernandez Arias, Cristofer Isidro Lanoy y Javier Alexander Rojas Ojeda.
Cuerpo Policial di Aruba ta pidi ciudadanonan pa ta atento pa cualkier movecion straño den area di nos costa y riba
tera. Pa informacion of tip relaciona cu paradero di e presonan aki por yama tipline di Polis na 111-41.