Page 101 - MIN ECEM

Green Bike ta enfoca tanto riba turista como nos hendenan
local

Wednesday, 31 May 2017 20:23
Comparti

Marinelda Cartaya ta directora di operacion di Green Bike y ta na Aruba, presentando e
iniciativa cu ta bezig cun'e. Si ta bon lo bay tin e inauguracion.

Ta un sistema di transporte publico, no solamente pa turista, pero tambe pa hendenan local.
Nan ta conta cu aproximadamente 100 bicicleta y 8 stacion. E stacionnan aki ta sali for di Plaza
Turismo. Nan tin un stacion na Zara, na e salida di e cruceronan, na La Cabana, uno na Costa
Linda, Hard Rock Cafe, uno dilanti di Tony Roma's y e ultimo na Marriott.

Con e idea a nace

Segun Cartaya, ta un idea familiar. Su ruman muhe, kende ta forma parti di e grupo aki, tabata
tin e iniciativa di e importancia di loke tabata mantene activo, haci un actividad fisico ora cu
uno ta bin na e isla. Nan como famia ta bin cu frecuencia Aruba. A mira e oportunidad di e
iniciativa di bicicleta aki. Nan ta considera como miho compania di sistema di bicicleta di
transporte, cual ta un compania di Canada, cu ta na New York Tambe, como City Bike, na
Washington, na Melbourne, Australia. E iniciativa aki ta prome den Caribe.

Caminda largo

Segun Marinelda Cartaya, tabata un caminda di tres aña unda cu nan a toca tur porta y cu
realmente kier a gradici Gobierno di Aruba, pasobra realmente a haci tur cos bao di e
parametronan, pero na final a bin cu resultado. A toca porta di DIP, DOW, a analisa na WEB, na
Elmar y na Polis. Tur a tuma nan lapso, pa haya e permisonan necesario pa haya e stacionnan
cu nan tin awendia.

Enfoca

Green Bike ta enfoca riba e turista, cu ora e yega, kier haci un actividad, kier recore e isla y tin
e opcion di huur e bicicleta y haci turismo. Y tey tambe e publico local cu kende kier haci algun
bicicleta den centro, nan por haci'e. Tambe si nan tey tambe den cualkier di e stacion y haci
algun tipo di ehercisio den famia, tambe nan por haci uzo di esaki.