Page 111 - MIN ECEM

Ta importante pa ta bon protehi ora cu bay yuda haci
costanan limpi

Wednesday, 31 May 2017 18:25
Comparti

E problema na Trinidad cu tambe a afecta nos costanan, a pone cu diferente instancia a uni y nos tabata
na e departamento di malesanan contagioso di Salubridad Publico. Tin cos cu ta importante cu tin cu
tene cuenta cun’e. E ultimo conferencia di prensa a menciona e proteccion cu mester tey.

Na prome instante no tabata tin masha enfoke riba proteccion. Awor si ta enfocando riba e proteccion
pasobra no sa ki daño cu loke bin na costa por haci na un ser humano. Ta importante pa bisti un pak,
pero lo mas importante ta con ta kit’e bek, pa evita cu bo ta wordo afecta cu loke bo a caba di piki. E ta
sosode den diferente momento, hasta ora cu tin situacionnan cu presenta, nan tin cu bisti e paknan aki.
Nan tin un pak special pa e problema cu tin na costa. Nos a combersa cu Sharline Koolman, kende ta hefe
di e departamento, kende a splica un tiki di esaki. E ta comenta cu e parti di salud publico cu kier stress
hopi riba dje, ta e parti cu boluntarionan hopi biaha tin e gana di yuda, esey ta bon bini. Pero ta kere cu ta
hopi importante pa sa tambe e medidanan di precaucion cu tin cu tuma pa cada persona pa evita cu den
futuro bo por hayabo cu un problema di salud innecesario. Tin e paknan na Aruba y por haci uzo di nan.
Pa DVG ta hopi importante e parti di handschoen, haci uzo di e handschoen, pero e handschoennan
industrial. No handschoennan simpel di latex, sino industrial. Pa ki motibo E patchnan cu ta yegado tera
y cu e hendenan ta bezig ta piki, ora cu esaki habri for di otro, e kimiconan cu tin cera den e patchnan aki
por ta dañino pa salud di hende. Manera cu a menciona, ta importante pa bisti e ekipo aki, pero e parti
importante tambe ta, con bo ta kit’e. Tin afspraak haci cu DOW, cu ora cu e persona caba di uza e ekipo
aki y e ta sushi, esta e ta na preto, e tin e petroleo riba dje, ta kit’e di e forma ya menciona. Tin un saco
cora cu ta bin hunto cu e pakete aki. Ta hinca tur cos cu ta contamina, ta hink’e den e saco y ta entreg’e
na un opzichter di DOW cu ta na cada un di e areanan cu ta haci limpi. Nan ta tuma esaki y ta deshaci di
dje manera cu mester ta. Semper den stock Semper DVG tin pak. Nan tin semper den stock. Den e caso
aki ta uz’e den e parti kimico. Pero por haya tambe cu cosnan biologico, manera cu a haya den pasado cu
Ebola, cu mester a prepara, pa pandemia di H1N1, cu mester a prepara p’e y den e casonan aki semper tin
nan warda. Nan ta wordo bon warda den friu (airco).

No ta materialnan cu ta den seco of a aña y tin nan y nan ta daña. Nan ta wordo bon warda y ora cu ta
den situacionnan asina, tin un cantidad pa cuminsa cun’e y si mester busca mas, por busca mas e ora y pa
momento cu e yega, ta tarda algun dia. Pero pa cuminsa semper DVG tin. Proteccion pa cara Tin e
material pa tapa wowo y boca, esta e mondmaskers, pero den e situacion aki no a wordo conseha cu esey
no ta necesario. E ta mas importante e cuero, e contacto di cuero, e por ta riba pia, e por ta riba man. Ta
conseha e ora pa ora cu ta bay haci limpi, no haci uzo di slof, pero si tin un sapato cu bo no ta uza mas,
bieu, uza esey y bo por tir’e afo despues. A haya diferente melding, diferente potret caminda cu ta mira
hende ta landando den esaki y nan ta sali for di lama cu e pida pretonan pega na nan pia. No sa cuanto
biaha lo bay cana den dje. Si ta un boluntario cu ta bay yuda pa algun dia, y bo ta bin den contacto cu e
producto aki y bo no sa ki kimico tin den dje, ki daño e por haci. Pa DVG, miho evita cu despues tin cu
bay lamenta cu cosnan a bay robes y tin e ekipo disponibel. Training Segun Koolman, e paknan a wordo
entrega na DOW diadomingo anochi. Dialuna mainta nan tabata tin nan caba y awe mainta a bolbe