Page 19 - MIN ECEM

Jose Maria Figueres a expresa cu Carbon War Room ta hopi complaci di ta parti di e
componentenan cu hiba Aruba riba e caminda cu e ta aden.

“E caminda aki ta importante pa Caribe caminda lesnan ya caba ta wordo siña for di e
experiencia na Aruba y tambe resto di mundo.

Pa tur esey, Carbon War Room ta gradici Aruba, su Gobierno y e companianan di
utilidad; pa boso liderazgo, boso curashi y pa loke boso ta haciendo den mustra mundo e
caminda pa un futuro mas briyante,” asina e ehecutivo a indica.

Sir Richard Branson a haci eco di e palabranan di Figueres expresando cu tempo cu
Carbon War Room algun aña atras a pone e ‘10 Island Challenge’ nan no a realisa cu
Aruba lo bay avansa asina liher dor di di dje.

“Y esey ta danki n’e dos Mikenan pa nan liderazgo y pa pone tur hende hunto tras di
Aruba caminda cu awor enberdad nos ta den direccion pa un situacion caminda Aruba
por ta un di e prome paisnan cu ta traha riba energia limpi,” e empresario global a bisa
n’esnan presente.

Minister President Mike Eman a tuma e oportunidad pa gradici Minister di Energia,
WEB Aruba N.V., Elmar N.V. y ISOTRON como socio nobo atrabes di e proyecto aki,
pa ta parti di e proceso.

Eman: “No solamente boso ta cambiando un direccion importante pa nos pais, pero
tambe cambiando e standard mundial cu por afecta e calidad di bida di hopi generacion
den futuro.” Tambe a gradici Sir Richard Branson como inspiracion y pa finalisa, e
mandatario a bisa na tur esnan presente “cu Dios bendiciona boso tur y ban sigui den e
direccion aki.”

http://awemainta.com/richard-branson-y-carbon-war-room-ta-elogia-aruba-y-su-
gobierno-a-felicita-arubianonan-y-companianan-di-utilidad/