Page 82 - VOS DEC 19

Delegacion di ciclismo a regresa satisfactrio for di e campo di
entrenamento UCI WCC Satellite cu a tuma lugar na Mar del

Plata, Argentina

Sunday, 18 December 2016 15:02
Comparti

Pa tres siman largo un delegacion di Aruba a atende e campo di entrenamento UCI WCC Satellite Mar del Plata,
Argentina cu tabata specialisa den identificacion y desaroyo di talento como tambe curso di nivel 3 di coach di UCI.
Atletanan Benay Statia, Gabriel Thielman, Jair Kelly como tambe coach di ciclismo Aldrick Maduro a forma parti di
e campo di entrenamento aki.

Mester bisa cu e campo di entrenamento aki a bay den forma perfecto pa e delegacion,unda coach Aldrick Maduro a
logra termina e mihor di e grupo di coach den e area practico cu 95%, faltando puntuahe di e tesis y projecto final cu
lo keda conoci den e luna di januari. E atletanan tambe a presta den bon forma cu Benay Statie cu e termina tur su
caredanan den e mesun lap cu e subcampeon junior di Panamericano, mientras Jair Kelly tambe a bai hopi bon cu
un di 8 lugar entre top coredornan Panamericano Hubenil, mescos tambe ta conta pa Gabriel Thielman cu un
prestacion aceptabel. Nos atletanan tur a demostra desde e inicio di e campamento un bon nivel di desaroyo den
comparacion na e nivel halto continental cu tin na Mar del Plata. Ta nifica cu e trabaonan hasi ta di bon calidad,
projectando un nivel halto pa futuro di e deporte di ciclismo di Aruba. Mester bisa si cu ta importante pa Aruba
cuminsa pensa riba un propio pista pa e deporte di ciclismo, cual ta hopi importante pa nan formacion y bon
desaroyo.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di
ciclismo pae UCI WCC Satellite cu a tuma lugar na Mar del Plata, Argentina

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa
organisa loteria, cambia bida di su hungadonan y na mes momento inverti den deporte local pa medio di
donacionnan na e Comision di Subsidio