Page 90 - VOS DEC 19

Minister Michelle Hooyboer-Winklaar: ta desea pueblo un
bon temporada di fin di aña

Sunday, 18 December 2016 19:57
Comparti

Durante e actividad di fin di siman na Green Square, Concierto di Speransa, Minister Michelle
Hooyboer-Winklaar a haci bon uzo di e oportunidad pa expresa su sentimentonan di e evento e aña aki
como tambe manda su mensahe di fin di aña pa comunidad.
“Awe nochi nos ta na Green Square pa e actividad di AVP, cu manera por mira tin un acogida sumamente
grandi”, e mandatario a bisa.
“Pueblo a bini hunto pa gosa tur loke tin, sea ta cuminda, obra di arte y hopi mas. Mi ta kere e ta un
actividad cu a trece comunidad hunto pa celebra e bunita temporada di Pasco”, el a agrega. “Tin hopi
ambiente yena cu dushi musica. E ta un momento pa nos ta bini hunto cu comunidad y nos pueblo
bisando danki pa un tremendo aña pa Gobierno y pueblo en general”, Minister Hooyboer-Winklaar a
enfatisa.
E ta un orguyo cu por tin asina hopi hende haciendo e un actividad grandi di AVP. “For di comienso e
programa ta uno cu a yena nos cu musica y mi ta kere cu tur a keda emociona scuchando e letranan di
nos himno canta pa un hoben cu hopi talento. Cada tent tin algo y mi ta kere cu chikito y grandi ta
gosando di dje,” el a elabora.
“Tambe mi kier uza e oportunidad aki pa desde awor desea henter e comunidad di Aruba feliz dianan di
fiesta y un danki grandi pa e sosten e aña cu ta cabando cu miras riba loke ta bin den e aña nobo 2017,”
asina Minister Michelle Hooyboer-Winklaar a termina bisando.