Page 12 - AWEMAINTA

12 AWEMainta Diamars, 28 Maart 2017

Sra. Ludwina

Krozendijk-Flanegien,

30 aña di servicio na

Wit Gele Kruis Aruba

SRA. Ludwina Krozendijk-Flanegien a cumpli 30
aña den servicio di Wit Gele Kruis Aruba, como
“Directie Secretaresse”.

Diasabra ultimo a celebra Ludwina su aniversario di
jubileum na “Chalet Suisse Restaurant”, den compa-
nia di directiva, staff y famia. Ludwina ta un persona
cu ta traha cu hopi amor y dedicacion den su funcion
pa nos fundacion, semper cu un sonrisa riba su cara
y semper tabata cla pa yuda tur hende.

Director di Wit Gele Kruis sr. Gino Goeloe a ortoga
den nomber di Directiva y personal un plakaat na
sra. Ludwina Krozendijk-Flanegien como aprecio y
agradicimento pa su bon trabao durante e 30 aña di
servicio na Wit Gele Kruis.

Nos ta desea Ludwina hopi animo y perseverancia
pa sigui cu e bon trabao cu semper el a sa di brinda
na nos fundacion.