Page 18 - AWEMAINTA

18 AWEMainta Diamars, 28 Maart 2017

Exitoso torneo di golf organisa pa Kiwanis Club of Aruba
Fondo recauda a bay pa Fundacion Bon Nochi Drumi

Dushi y Heart-Centered Leadership Foundation

KIWANIS Club of Aruba a or-
ganisa dia 19 maart 2017 su di 8
Charity Golf Tournament riba e
cancha di golf di The Links na Divi.

E torneo di golf aki tabata di 18
holes den team di 4 persona cu e formato scramble.
E interes p’e torneo e aña aki tambe tabata grandi pues e torneo
tabata ‘sold out’.

Como atraccion special tabatin dos premio pa hole-in-one cu
tabata un Ford Escape 2017 di Yrausquin y un split unit airco di
The Leading Edge.
Lamentablemente e aña aki ningun hungador a logra di bay cu un
di e premionan special aki. Prome cu a pasa pa entregamento di
premio n’e ganadornan tabatin un subasta cu articulonan obsekia
dor di Elisa Lejuez, L’America Art Gallery, Little Switserland y
Divi Links.

Na final di dia, e resultadonan a bira conoci: Best Gross:
Team Aruba consistiendo di Travis Bernadina, Hubert
Solognier, Karel Slikker y Edward Croes.
Best Net: Thomas Denesowicz, Derrel de Palm, Michael Harris y
Jane Muir. Longest drive male: Randolph Arends. Longest drive
female: Marianela Nemecek y closest to the pin: Hans Mondria.

Presidente di Kiwanis Club of Aruba, señora Aurora Dijkhof, a
haci entrega di dos check na balor di AWG 5.000,- cada un na
Fundacion Bon Nochi Drumi Dushi y Heart-Centered Leadership
Foundation.
E donacion aki ta bin directamente for di e fondonan recauda
di e torneo di golf y lo wordo uza p’e fundacionnan eherce nan
tremendo trabou na bienestar di nos mucha y hobennan.

Kiwanis Club of Aruba kier a gradici tur e golfistanan cu a participa
y tambe tur e sponsornan di e exitoso torneo di golf aki.
Por ultimo un danki masha grandi tambe ta bay n’e personal di
The Links y Divi Resort pa nan tremendo cooperacion y dedica-
cion n’e realisacion di e torneo aki.