Page 24 - AWEMAINTA

24 AWEMainta Diamars, 28 Maart 2017

Trahado social Vivian Carter ta boga pa

cuido permanente pa mucha na Aruba

E no lo laga ningun mucha atras, esey ta loke por spera di Vivian Carter, kende
riba 24 di februari 2017 a presenta su investigacion y a gradua pa un diploma
di Bachelor den Trabou Social y Desaroyo na e Facultad di Ciencia y Arte na
Universidad di Aruba.

Clementia Eugene, Vivian su coach pa cu su investigacion ta describi e como
un hende muhe fuerte, asertivo, “resilent” y naci pa bira trahado social. Vivian
su coach academico, Shauna Porter a manda un mesahe di felicitacion cu a ser
lesa na e graduacion.
Den e mensahe conmovedor aki, el a describi Vivian como un studiante hoben
cu tabata impulsa pa alcansa excelencia defini dor di su propio standardnan.

Vivian kende ta pasiona pa cu mucha, a haci su investigacion rib’e topico: “No-
body wants me: Permanency for Children in Foster Care.” Kico ta e status di e
muchanan den famia di criansa na Aruba? Tabata su pregunta di investigacion
principal. E resultadonan ta revela cu entre 2012 y 2014 tabatin aproximada-
mente 250 mucha den cuido residencial y famia di cransa na Aruba.
E resultadonan tambe ta mustra cu dor di un average di tres pa cuatro cambio
ta sosode durante cu nan ta keda den cuido residencial, tin e posibilidad pa
afecta e mucha su permanencia negativamente. Un candidad di recomendacion
a ser acentua pa desminui e probabilidad di cambio di residencia di un mucha
na Aruba.

E graduacion tabata atendi tambe dor di e facultad, miembronan di famia,
amistadnan y sernan keri. Nos ta gradici sr. Rosita Durinkerk y sr. Giovanni
Ridderstaat, kende tabata miembro di e comite di tesis. Nos ta desea Vivian
tur clase di exito, ya cu nos sa sin duda cu inspira dor di su investigacion y
estudionan di trabou social, e lo sigui boga pa mucha y lo no laga niun mucha
atras den su practica.