Page 32 - AWEMAINTA

32 AWEMainta Diamars, 28 Maart 2017

Prome Minister Eman na clausura di celebracion di Arubadag na Hulanda

“Boso stimacion pa nos baranca stima ta

laga nos supera crisisnan cu nos ta enfrenta”

RIJSWIJK - Dilanti un publico di miles di
hende den ‘Broodfabriek’ na Rijswijk, Prome
Minister Eman a clausura e celenbracion di Dia
di Aruba na Hulanda cu un discurso ‘upbeat’.
E dia tabata uno exitoso, unda un cantidad
grandi di hende a acudi pa pasa bon, mira
amistadnan, topa cu famia y amigonan, gosa di
e bon musica, balia na smaak y come cuminda
tipico di Aruba.
Prome Minister tabata sumamente contento
cu e acogida grandi, cu e bon ambiente y cu e
organisacion cu a traha masha duro mes pa a
logra e exito aki.

Eman a pidi tur presente pa pone man na nan
curason y sinti e amor cu nan tin pa ‘Aruba
Dushi Tera’.
“Dor di e stimacion aki Aruba a mustra na
mundo henter cu no tin reto cu nos no por
supera. Laga nos sigui marcha y sigui demostra
cu locual ta biba den curason di cada Arubiano,
ta un energia grandi di stimacion.
Aruba por enfrenta crisis, pero boso balentia y
amor p’e baranca stima ta pone nos cada bes
supera e retonan nos dilanti. Biba Aruba, biba
boso stimacion pa e pais aki.”

E discurso di Prome Minister tabata completa-
mente enfoca riba e amor cu cada un presente
tin pa Aruba, un stimacion cu a hiba e isla
dilanti.
Minister Ronald Plasterk tambe tabata presente,
mescos Minister Plenipotenciario Juan David
Yrausquin y e conocido Jörgen Raymann, banda
di hopi otro invitado.
Eman a pidi aplauso pa cada un di nan.

“Biba Aruba, biba Aruba, biba Aruba”, di e
forma aki Prome Minister a demostra e amor
cu tur presente ta sinti pa nan isla natal Aruba.