Page 5 - WEB
P. 5
Saba por draai 100% riba energia solar
caba
Posted on 02/27/2019 11:07 am AST | Updated on 02/27/2019 11:53 am AST
THE BOTTOM – Mientras cu otro islanan (incluyendo Aruba) ta(bata) profila nan mes
di ta autosuficiente riba tereno di energia solar pa 2020, e isla Saba (parti di islanan
Bes:red) por drai riba 100% energia solar. Asina e portal Bonaire.nu ta raporta. Segun e
portal, tabata diaranson 20 di februari ultimo cu e isla a opera completamente riba energia
solar entre 3 or y 5 or di atardi. E ora ey a paga tur motor diesel y e isla por a opera
completamente riba forza di energia solar.
Tin casi 3.000 panel solar distribui entre dos parke solar cu awor lo percura pa suministra
coriente. E pensamento segun e portal Bonaire.nu, ta cu riba dianan cu hopi solo, Saba
por genera 9 pa 10 ora di energia solar, sin tin e necesidad di usa motornan diesel. Ta bon
pa añadi si cu e isla di Statia, tabata esun prome cu a logra 100% di uso total di energia
solar.
