Page 37 - AVP

Pa cuminsa el a tuma nota cu Endy Croes, mescos cu su famia, e Ministro Presidente,
no ta compronde e materia di ciencia bon y ta bruha appel cu peer. “Ami ningun ora a
referi na e parti economico relaciona cu desasternan natural” segun Mike de Meza.

“E punto cardinal cu mi kier a trece padilanti pa pueblo di Aruba den mi articulo tabata
e mal informacion cu Prome Ministro ta duna. Segun Prome Ministro, Aruba ta pafo di e
faha di horcan y esaki ta ERONEO! “Tempo mi tabata Minister, ami tambe tabata tende
e tipo di fake-news nan asina y pesey como mandatario responsabel, mi a puntra un

conseho na e departamento concerni

E departamento a verifica cu ‘National Hurricane Center’ y ‘World Meteorological
Organization’. E contesta tabata cu SI, Aruba ta den e faha di Horcan y manera ta

indica den e raport di Meteo Curaçao, e islanan ABC ta na e parti zuid di e faha di
Horcan y NO PAFO!

Pues tur aña nos pueblo mester prepara pa temporada di horcan y monitor datonan di

nan servicio Meteorologico! E miho manera pa haci esaki ta, pa ta bon informa riba tur
aspecto relaciona cu tempestadnan tropical. Si cuminsa mal informa bo pueblo, bo ta
crea confusion innecesario, cu por crea consecuencia no desea despues.

Adicionalmente mi kier corda Bo cu durante pasada di horcan Ivan, tabatin un
“Hurricane warning” pa Aruba y durante pasada di horcan Felix tabatin un ‘Hurricane
watch” pa Aruba. Pues ta di lamenta cu Prome Ministro no a tuma contacto cu
expertonan prome cu e a duna informacion incorecto y despues e informacion incorecto

aki ta bay pa pueblo tambe.

“Loke a hala mi atencion tambe ta cu ala estilo di Donald Trump Bo kier manipula cu
datonan cientifico o probablemente lo kier cientificonan manipula datonan pa asina e

datonan indica loke ta bon pa Bo. Pensamentonan asina ta hopi peligroso y estilo di
dictadura, unda cientificonan no mag duna informacion corecto pasobra e ta bay contra
un maneho politico o economico”, segun Mike de Meza.

Riba 9 november 2017 UNESCO a accorda e ‘Recommendation on Science and Scientific
Researchers’. Den e documento aki tin par di punto cu lo ta bon pa bo lesa, compronde
y para keto ariba. Pues e idea di Bo cu datonan cientifico mester worde manipula pa
deseonan politico ta contra e recomendacionnan aki. Di dos tambe ta recomenda