Page 7 - kpmg

KPMG den Caribe Hulandes y Surnam ta nombra Jason
Nisbet como socio den Advisory Services

Monday, 20 February 2017 16:29
Comparti

Cu hopi entusiasmo KPMG den Caribe Hulandes & Surnam (DC&S) ta anuncia nombramento di Jason
Nisbet como socio den Advisory Services. “E nombramento aki ta fit completamente den e trayecto di
cambio cu KPMG a inicia aña pasa”, segun Raymond Begina, Presidente di KPMG DC&S.

Jason Nisbet a inicia su carera na KPMG na 2012, despues cu pa varios aña el a traha den sector publico.
E ta un lider notabel den sector publico pa motibo cu el a eherce su trabounan cu pasion y
profesionalismo. Jason a marca pouta direct den advisory cu su servicionan na midi y bon relacion cu e
clientenan di KPMG. E team di KPMG a reconoce Jason Nisbet mesora como un lider fuerte y visionario
cu ta pas perfectamente den e KPMG di futuro. Den un tempo record Jason Nisbet a bira e consehero di
confiansa di su clientenan. E ta añadi por medio di su dedicacion y e calidad di su trabou, e ta añadi balor
na su tarea como consehero cu bista riba e meta final cu ta duna realce pa su clientenan. Jason su
experticio ta concentra riba desaroyo di strategia, maneho di cambio, maneho di recurso humano y
procesonan di reorganisacion. Na aña 2014 a nombra Jason Nisbet como Director y desde dia 1 di januari
2017 como Partner (Socio) parti di e team di maneho di practicanan di KPMG den Caribe Hulandes.
KPMG DC: Cla pa futuro Jason tin vision y semper ta busca talentonan y otro perspectivanan, cu por
trece dimensionnan nobo y mas balor agrega pa nos clientenan. Un yiu di tera, cu ta bon conoci cerca nos
clientenan y e retonan cu nan ta enfrenta. For di aña pasa nos a drenta un trayecto di reorganisacion, den
cual KPMG lo ta mas sincronisa cu e standardnan di KPMG International. Pues nos ta cla pa enfrenta e
retonan di futuro. Lidernan nobo y hoben den KPMG DC “E enfoke di Jason Nisbet semper tabata y lo
sigui ta riba desaroyo di talentonan nobo, tanto paden como pafo di KPMG. Esaki ta netamente loke ta
pas den e filosofia nobo di KPMG.

Desaroyo y guia di talentonan nobo ta di gran importancia pa duna nos clientenan e balor agrega y un
dimension innovativo, cu ta haci e servicio di KPMG unico. Nos di e famia di KPMG ta hopi orguyoso di
dje y ta desea Jason hopi exito den fase nobo aki di su carera”, asina Raymond Begina, Presidente di
KPMG DC&S orguyoso a bisa. Jason Nisbet: Talento hoben cu futuro “Mi ta hopi entusiasma cu mi reto
nobo na KPMG. Nos ta trahando duro na un futuro nobo di nos organisacion, caminda talentonan nobo
lo ricibi e oportunidad pa guia e compania. Un era nobo ta habri pa ideanan nobo di nos talentonan.
Esaki ta un cambio cu nos ta ricibi cu man habri ya cu esaki ta aporta na e chens pa e talento nobo crece
den un tempo acelera. P’ami personalmente ta di gran importancia cu tur hende ta ricibi chensnan igual
pa desaroya. Mi ta kere fervientemente cu desaroyo di hende ta para central paso esaki ta esencial pa e
persona mes, e balor agrega cu e ta duna na su organisacion y sigura e nivel di calidad di trabou”, asina
Jason Nisbet a termina bisando.