Page 5 - WEB



ORANJESTAD (AAN): Informacion di Den

Haag, ta mustra cu recientemente a tuma lugar un Innovation Expo Global Challenges,
Dutch solution na Rotterdam. Esaki tabata un evento unico caminda tabata tin diferente
compania cu a presenta nan ideanan y tecnologia nobo.

E funcionarionan cu a representa Cas di Aruba tabata Roy Hart y Jacky Roga. Durante e
evento a papia cu diferente representante, di compania presente cu ta ta enfoca riba
“circulaire economie” cu ta un trend global na e momentonan aki.

E combinacion di startup cu ideanan nobo pa despues transforma esaki den un
compania cu ta crece bira grandi ta algo cu ta tumando lugar hopi na Hulanda den un
forma hopi rapido.

Gobierno Hulandes ta stimula e sector economico aki cu subsidio. Tin un ley presenta
cu mester worde aproba ainda pa regula y structura “circulaire economie” na Hulanda.

Tambe a papia cu CEO Herrie Rost van Tonningen di un compania cu tin un sistema

nobo di molina di biento cu por procesa awa di laman pa awa pa bebe y cu e sistema
aki e awa ta sali mas barata.

Esaki ta un tecnologia innovativo super moderno. Mirando cu awa ta caro na Aruba pa

desaroya sector primario y esaki por ta un solucion pa baha gasto di awa pa e
cunukeronan.

Durante evento e burgermeester di Rotterdam Ahmed Aboutaleb tabata orador principal

y el a infatisa durante su presentacion cu ta importante pa companianan keda enfoca
riba innovacion pa un compania por keda opera na un manera duradero.