Page 60 - AHATA

Parlamentario Christiaans-Yarzagaray ta recorda pueblo cu e rapportnan di IMF ta obtenibel pa tur hende por
lesa pa nan mes tambe pues si tin hende ta desea informacion aki pa les’e su mes, por hay’e riba website di

IMF.

Papiando di echonan real, e Parlamentario a indica cu niun caminda den ningun curso cu e a participa, ta
menciona cu BBO lo subi na 10%. Den e curso cu Raad van advies a organisa cu yama ‘Belasting Stelsel op
Maat’, varios instancia di gubernamental y no gobernamental a sinta hunto pa discuti riba e tema aki di
reforma fiscal pa por saca afo cua por ta mas apto. Niun rato a menciona cu mester subi BBO. Si tawata tin

sugerencia pa no cambia e sistema di impuesto completo atrobe pa motibo cu esaki lo rekeri cambionan
drastico den sistema di administracion pa negoshinan. Esakinan ta consehonan cu Gobierno ta haya tambe.

Alcontrario di loke Mike Eman ta insinuando, Parlamentario Christiaans-Yarzagaray ta enfatisa cu na juli aña
2018 cu a pasa BBO cu aumento di 2.5%, a indica seriamente cu esaki ta bay ta temporal. Parlamento di biaha
a urgi Gobierno pa busca otro tipo di entrada, busca otro manera pa agilisa sistemanan di Gobierno pa colecta

placa, introduci sistema di control pa sigura cu hende ta paga BBO. E cumplimento di pago di BBO mes tin su
retonan cu por haci cu esaki por reduci entrada den caha di Gobierno na BBO.

Pero agilisando sistemanan y kere bek den e departamentonan aki cu nan por haci e trabou, dunandonan e
hermentnan necesario pa nan traha. E Parlamentario ta indica cu falta di inversion den e departamentonan aki,
tambe a haci cu nan a bay atras den tur esaki. Si inverti den e sistemanan di control por haci cu lo colecta mas

placa.

“Nos palabra como Parlamento na juli aña pasa ta pa sigura cu e aumento di BBO cu 2.5% ta temporal. E
palabra temporal pa nos ta di hopi peso y nos ta keda controla Gobierno pa asina esaki keda temporal tambe.
Den nos caso, como Parlamento, hamas nos lo pasa un BBO di 10%”, Parlamentario Christiaans-Yarzagaray a
sigura