Page 3 - Djaluna 15 oktober 2018.pdf
P. 3
Djaluna 15 òktober 2018 3
Dos hóben (22 i 17) detené pa atrako riba kantor di number
WILLEMSTAD.- Djabièrnè
alrededor di binti pa ocho di
anochi Sentral di Polis a risibí
notifikashon di un kaso di
ladronisia ku violensia ku
a tuma lugá na un kantor
di number den área di Juan
Domingo. Na yegada di e
patruya polisial na e sitio no
a topa ku e sospechosonan.
Despues di un búskeda
den e área, polis a logra
detené dos di e tres
sospechosonan. Ta trata aki
di e hòmbernan F.E.C.V. i
K.J.R. di respektivamente 22
i 17 aña di edat, ámbos nase
na Kòrsou. Kontinuando ku
e investigashon, polis a tene
dos entrada hudisial den
Juan Domingo na kas di e
sospechosonan, i na kas di
F.E.C.V., polis a topa parti di
e botin, ku a keda konfiská.
A presentá e
sospechosonan dilanti di
un Fiskal Ouksiliar ku a
ordená nan enkarselamentu
pendiente di mas
investigashon.
