Page 6 - WEB

8 AWEMainta Diamars, 12 Maart 2019

Dos auto a bolter riba Sasaki, simultaneamente

DIADOMINGO anochi pa mas o menos 11’or Polis a bay cu

urgencia riba Sasaki, pa ta exacto den e area di ex House Of Cheng.

Informacionnan cu a drenta tabata bisa cu auto a bolter y tin hende
herida.

Departamento di Trafico tambe a pura pa yega, y asina pone nan
mes na altura di e accidente aki.

Mesora na nan yegada a laga cera rotonde Superfood bay nort y

tambe a parti pabou banda di ex House of Cheng.

Esaki debi cu ambos banda tabatin rastronan di e accidente. No ta-

bata trata di solamente 1 auto cu a bolter sino 2. Debi n’esaki pal’i
luz a wordo completamente ranca.

Esnan envolvi tabata levemente herida. Polis a wordo informa tambe

cu un di e ocupantenan, aparentemente un chauffeur a bandona e
sitio canando bay nort riba Sasaki mes.

Polis a bay tira bista den e becindario, pero no ta logra topa cu e
homber aki.

LOKE A SOSODE SEGUN UN CHAUFFEUR
Segun chauffeur di e auto Honda Accord, e tabata bayendo nort

probablemente duro y bou di su auto e tabata usando un spare tire.
Esaki segun su persona lo pone cu e auto a cuminsa perde control cu

consecuencia ya menciona.

Patras di e Honda tabata biniendo un Mitsubishi Lancer, esaki tam-
be a perde control y bolter pa na final bay pega contra e pal’i luz. N’e

sitio nos a compronde cu e chauffeur aki t’esun cu a bandona sitio

dor di cana bay nort.

Polis di Trafico a tene e caminda basta rato cera, pa por a haci nan

investigacion.
Ambos vehiculo a wordo confisca y hiba Warda di Balashi, unda lo

haci investigacion riba nan.