Page 41 - FDLP

Macuarima ta pika ariba 4-0 den promer inning sin conecta un hit pero probechando enorme di
Jair Thompson kende no por a keda kla cu su control. Royal Power ta corta ventaha mesora
den bom di promer inning 4-2. Jair ta settle poko poko y no ta permiti ningun careda mas
poniendo lamoenchi tras di lamoenchi riba e scoringboard. Royal Power den bom di 3 ta anota
1 careda mas pa hasi e wega 4-3 y den bom di 5 y 6 inningb ta rally pa 5 y 4 careda mas.

Boxscore final Royal Power 12 careda, 11 hit, 1 error y ta laga 6 coredor na base. Macuarima
Spark Elektra 4 careda, 0 hit, 4 error y ta laga 6 coredor den circulacion. Ultimo bateador di
Macuarima Revelino Silie ta conecta un line drive fuerte pa right unda Kenny Hart ta core drenta
hopi agresivo y ta dive pa complementa e ultimo out di wega skapando asina e “No Hiter” di Jair

Thompson. Mihor bateadornan pa Royal Power ta Gregory”Pilin”Krosendijk 4-3, Jomark
Flanegin 4-3, Kelvin silvania 2-1, Kenny Hart 2-2 cu un doblete, Mitchel Martes 1-1 cu un
doblete, Leander Angela di 2-2 cu 3 rbi. Jair Thompson ta seya e victoria riba su nomber
enfrentando 25 bateador tirando 46 bola, 49 strike pa un total di 95 lansamento permitiendo 4
careda di cual 2 ta limpi, 0 hit propinando 8 ponche crema di cual Ingomar Flanegin a bay cas
cu 3 y ta regala 6 base por bola. E veterano Lucio Geerman ta bay cas cu e derota enfrentando

30 bateador, 37 bola, 50 strike pa un total di 87 pitch. Lucio a permiti 12 careda di cual 7 ta limpi
tras di 11 imparable, ta pocha solamente Aigil Brete y ta regala 3 base por bola. Ultimo wega
official lo ta dialuna awor mientras desde diamars Play Off AA ta inicia rumbo pa final. Softball
den pleno accion!!

http://www.awe24.com/20190718/36668/Jair_Thompson_di_Royal_Power_Tat_Fat_Home_Depot_ta_t
ira_un_No_Hitter