Page 39 - ATA
P. 39
bin pa relax y disfruta despues di un dia duro di trabao of un di un schedule pisa
den nan vacantie. Aparte di e variedad grandi di cumindanan local y Caribense
cu tin pa ofrece, durante e evento aki nos bishitantenan ta topa cu artesanonan
local cu ta traha prendanan y obranan exclusivo cu bo lo por hanja unicamente
cerca nan aki na Aruba y na ningun otro parti na mundo. Tambe e biaha aki e
famoso mesanan di domino lo tey pa asina esnan cu kier dal un wega di
domino, tambe lo tey e stand di massage pa esnan cu kier relaha y hanja un
bon massage on the spot, sin laga afor e kids corner unda nos muchanan por
hunga y explora nan talentonan. E parti musical no por faya y nos gran musico
local y di pariba di brug Sr. Carlos Bislip lo deleita nos bishitantenan cu su
musica y Mikes Super Disco tambe lo tey pa duna e toque Caribense y nos
musica Carnavalesco na final hunto cu e dancersnan. Pues Diahuebs awor bo tin
un invitacion pa bai “Meet San Nicolas” un biaha mas den e promenade di San
Nicolas cuminsando pa 6:30 di atardi te cu 10or di anochi.
