Page 48 - ATA

desproporcional dia 1 di juli. E mandatario a insisti cu no por otro y cu nan mester

cumpli. Pero, un reunion siman pasa cu Minister Presidente interino Otmar Oduber, a

cambia henter e scenario y awor ta logrando pa wanta tur cos!

Awe mainta, durante un reunion entre Minister mr. Xiomara Maduro y un organision

comercial, el a menciona cu e ehecucion di maneho di introduci BBO-BAZV-BAVP riba

recibo no ta cuminsa mas pa dia 1 di juli. Mescos cu Minister Otmar Oduber a anuncia na

gremio comercial, awor Minister di Finansa tambe a cambia di opinion y a opta pa duna

comercio por lo menos 3 luna mas, pues pa introduci e maneho aki entrante 1 di october

2019.

Na mes momento, e Minister a probecha pa anuncia tambe cu, por lo pronto, lo no

introduci e “Sin Tax” of tambe yama “Sugar Tax” entrante dia 1 di juli 2019. E

mandatario a menciona di lo analisa otro opcionnan pa yega na mas fondo pa Gobierno

pa por cumpli cu e acuerdo cera cu CAFT, Standard and Poors y IMF. Cua opcion, e

mandatario no a menciona awe den e reunion.

Di otro banda, mientras comercio ta contento cu Gobierno a reconsidera nan posicion,

despues di a convence Vice Prome Minister cu e posicion di Minister di Finansa no

tabata corecto, cu awor Gobierno tin un reto grandi pa cumpli cu e acuerdo cu nan mes a

cera cu e instancianan internacional. Dor di no logra entradanan despues di e di dos mita

di aña, CAFT lo por tuma medidanan cu ta politicamente dificil pa e mesun

Minister Xiomara Maduro.