Page 14 - FDLP

AWB, Arubaanse Wielerbond tabata hunto cu e famianan di Chaim de L’Isle, den nan

dolor. Juni Croes, presidente di AWB, a manda un mensahe pa e comunidad di Aruba,

principalmente esnan cu ta haci uso di nos careteranan.

Pa bay mas cauteloso riba caya, wak pa ciclistanan. Hopi ciclista ta haciendo esaki pa

deporte y cu ta algo hopi sano pa cada un di nan. Hopi di nan ta transporte.

Manera cu por a compronde for di tata di Chaim, cu esaki tabata su transporte y e tabata

bin for di su cas, bay tur caminda cu su bicicleta y bishita tur hende. E no tabata kier tin

auto. Mescos cu tin deporte, tin hende ta us’e pa transporte.

Ban como automobilistanan, respeta e bicicleta cu tambe tin derecho pa ta riba caya,

segun Croes. Nan tambe ta parti di e trafico aki. Cu esaki por concientisa un na otro. Ban

yuda di parti di e ciclistanan di Aruba, pa automobilistanan tene mas cautela riba caya.

Durante e dianan aki, y tambe Carnaval, bo ta bebe y dal bo drinks, ta un derecho cu bo
tin riba dje, laga otro hende core pabo tambe. Ban evita situacionnan lamentabel cu

despues bo ta carg’e riba bo consenshi, sea cu bo a laga un hende mancaron of bo ta laga

un famia sin yiu of sin tata.

Croes ta gradici pueblo di Aruba pa su cooperacion, cu por sigui concientisa e
automobilistanan riba e situacion di nos ciclismo na Aruba.

https://24ora.com/arubaanse-wielerbond-ta-sostene-famia-di-chaim-de-

lisle-den-nan-dolor/