Page 7 - FDLP
P. 7
Dialuna, 31 December 2018 AWEMainta 13
Kortsluiting den auto a
causa candela, kimando
un pick up Sport Track
completamente
DIABIERNA atardi Cuerpo di Bombero a
sali cu urgencia direccion Safir pa un auto na
candela.
N’e sitio nan a topa cu un situacion unda un
pick up Sport Track lastrando un boto a pega
candela. Na nan yegada esnan cu tabata las-
tra e boto a reacciona liher y a los e boto, y
pushe mas leu.
E boto ta di un compania di watersport, y
den oranan di atardi ora trabou a caba tabata
bayendo pa warda e boto.
Di repiente banda di e dashboard algo lo a
surgi un kortsluiting, y esaki a desaroya asina
liher kimando e auto por completo.
Pa colmo nan a caba di tank e pick up cu
gasolin, dus tur esey tambe a bay perdi. A
papia di un suma di 120 florin.
Bomberonan na nan yegada mesora a bay
den accion y paga e candela, aunke mucho
mas no por a haci.
E doño a haye awor cu un gasto inespera, y
mester percura tambe pa move loke a keda di
e auto for di caminda.
