Page 35 - KPA

Caya Ernesto Petronia – Diamars marduga polis ta bay Caya Ernesto Petronia,
caminda un boksmento a sosode y ariba dje un bringamento.

Na yegada nan ta topa cu un Skyline color shinishi y cu sla parti patras. E
chauffeur a conta cu ela sali cu un dama for di Lekker y di eynan cierto problema
a cuminsa cu un ex di e dama.

E chauffeur aki y e dama a bandona Lekker pa evita mas problema, pero e ex
den un Altezza compaña pa un otro amigo a sigi nan.
Dado momento ariba Caya Ernesto Petronia e ta dal cu su Altezza duro tras di e
Skyline, causando cu e cabayero aki mester a para.

Eynan a start un pelea, di dos contra un. E dama a baha pa yuda e chauffeur di
e Skykine, mirando cu ta dos contra un y lo a avisa polis.
E momento eynan e dos hombernan den e Altezza a bandona e sitio.

Na yegada di polis, e dama tambe a somenta, pues segun e cabayero di e
Skyline e no sa unda ela bay.
Polis a tuma datos y a splica e cabayero aki e pasonan necesario cu e lo tin di
haci, esta pasa oficina di recherche y entrega un keho.

Pues asina bo ta wak con jaloersheid ta pone hende haci cosnan cu no tin
mester.

MOTOCICLISTA SU RUDIA A KEDA

SERIAMENTE FRACTURA, DESPUES DI DAL

CONTRA UN TRUCK NA TANKI LEENDERT

March 29, 2017 adminarubanative Uncategorized Leave a comment

Tanki Leendert – Diaranson merdia den careda di 3:40 polis ta bay cu urgencia
pazuid di rotonde di Tanki Leendert, pa un accidente cu persona herida.

Na yegada di e patruya nan ta topa cu un persona seriamente herida banda di
pabou di caminda. E persona ey tawata ariba e brommer, cu tawata benta algun
meter mas leu di dje.