Page 4 - KPA

Accidente serio na Tanki Leendert, momento cu

un brommer a dal contra un truck

14 hours ago 0 546 Views
Tanki Leendert – Diaranson merdia den careda di 3:40 polis ta bay cu urgencia pazuid di rotonde di Tanki
Leendert, pa un accidente cu persona herida.
Na yegada di e patruya nan ta topa cu un persona seriamente herida banda di pabou di caminda. E
persona ey tawata ariba e brommer, cu tawata benta algun meter mas leu di dje.
Un tiki mas rechts di e motociclista un truck color blanco para, cu glasnan tinted basta scur.
Segun chauffeur di e truck, e lo bay bira na su man robes, pa subi e parkeer plaats.
E motociclista kizas no pone atencion cu e truck tawata birando y ta trata na evita, pero ta dal net na e
skina robes dilanti di e truck.
Caminda despues e ta bay cay algun meter mas panort, cu golpinan serio y un rudia posiblemente kibra,
mirando con e posicion di e rudia tawata.
Ambulance a yega na e sitio, caminda ela wordo prepara y asina hiba cu urgencia pa hospitaal.
Polisnan di trafico a pidi asistencia di polisnan tecnico, pa yuda den nan investigacion.
Kiebronan ta continua

21 hours ago 0 140 Views
Caya Punta Brabo – Diaranson marduga algo prome cu 4:30 polisnan bay un consultorio situa pariba di
hospitaal. Aki nan desconocidonan lo a comete kiebro.
Na yegada polisnan ta wak cu enberdad e porta ta kibra. Pero segun e persona encarga, den e luga no
tin nada di balor. Pues esnan cu a drenta lo a sali bek despunta.
Hoben ta yega cas di wela droga y agresivo, polis

a lucha cune

21 hours ago 1 Comment 524 Views
Seroe Blanco – Diaranson marduga den careda di 2:30 polis ta bay un cas situa na Seroe Blanco, eynan
un nieto lo a yega cas di su wela completamente bruha y tawata haci hopi fastioso.
Segun nos a compronde e hoben aki di 20aña lo ta usa droga y ta mezcla esaki cu alcohol, caminda e
resultado final ta sumamente negativo ariba dje.
E diaranson marduga aki esey a pasa, normalmente segun un familiar na e cas e ta trankil y ta yega
eynan sin niun problema.
Pero e biaha aki mester a yama polis pe, mirando con e tawata hopi agresivo y lo por te hasta haci un
persona daño. Na yegada di polis un omo segun nos tin entendi tawata tin e wanta.
Polis na nan turno mester a lucha un rato cune, pa por a domine. Mientras e tawata papia puro
palabranan insolente, den direccion di e agentenan y su famia mes.
Ela wordo hiba warda di Shaba, caminda e lo a keda encarcela pa e bin bij. E hoben aki mas cu claro
mester ayuda social, nan ta un peliger pa sociedad.
No mester lubida, e caso lamentabel cu a sosode na Moko, caminda un familiar hoben a yega cas y a
maltrata un dama famia di edad, caminda cu e ta fayece debi na e golpinan nan fuerte ricibi.
Homber burachi tras di stuur ta boks na Moko

21 hours ago 0 85 Views
Moko – Diamars merdia polis ta bay poco pabou di e dam na Moko, pa un accidente cu hende herida.
Na yegada nan ta topa cu un Toyota Corolla basta biew, pega contra un palo di luz.
E chauffeur tawata pafo di e auto y ta mustra herida, caminda nan a pidi ambulance pe.
A resulta cu e chauffeur tawata burachi y a bay core auto, caminda pa un of otro motibo ta boks contra e
palo di luz. Ambulance a hibe hospitaal, mirando e la resulta herida.
Kiko semper ta wordo bisa ora bo bebe ? Ora bo ta bebe no stuur y si bo ta bay stuur no bebe.