Page 47 - KPA

REVOLVER Y DROGA HAYA DEN YARIS,

TRES PERSONA A KEDA DETENI

March 30, 2017 adminarubanative Uncategorized Leave a comment

Caya Ernesto Petronia – Diaranson anochi patruya di Playa durante control ta
stop un Toyota Yaris, poco panort di Misa San Francisco pa un control

Agentenan ta haya holor di marihuana, e momento ey e chauffeur a a habri e
porta y pusha e agente.
Ey ta caminda a cuminsa un persecucion na pia, direccion e refresqueria pazuid
di post kantoor.

Ey ta caminda cu e sospechoso ta drenta un hanchi cu no tawata tin salida.
E agente eybanda lo a slip dal abou basta duro y ta wak cu e sospechoso ta saca
algo di banda di su heup, aki ta caminda e agente lo a los un tiro di advertencia.

E sospechoso asina mes a logra tira e arma ariba un dak di cas eybanda,
caminda otro polisnan na nan yegada ta haya un revolver. Momento cu a bay
over pa detene, e persona aki lo a resisti tambe. Segun autoridad, e mes un
persona aki a ser haya cu arma di candela 5 luna pasa. Pues aki bo ta wak cu e
ley si bo wordo haya cu arma di candela no ta wordo corectamente implementa,
paso ta imposibel cu 5luna atras bo ta wordo haya cu arma di candela cu ta un
delito cu ta pisa y ya bo ta afo. Pues ta cuanto dia ela keda encarcela ?

Pa loke ta trata den e auto, ta bin haya dos cuchiu, marihuana y tambe cocaina.
Aparato pa pisa droga tambe a ser haya, pues por wak cu esnan den e auto nan
trabou ta bende droga y ta core arma rond, si nan por haya nan den un of otro
problema.

Tres persona a wordo deteni.

Departamentonan concerni a ser avisa y despues di e investigacion e Yaris a ser
hiba warda di Santa Cruz.

Keto bay arma di candela ta keda un di e preocupacion grandi ariba e isla,
mester busca e kern di e problema y combatie eynan.

Y esey ta keda e pregunta grandi y habri, ban spera un dia por yega na e kern.