Page 26 - AM190508

26 AWEMainta Diaranson, 8 Mei 2019

48 Hour Film Project ta

yega Aruba y ta buscando participante

E aña aki pa prome biaha Aruba ta participando

como pais competido n’e famoso proyecto interna-

cional di 48 ora. E proyecto ta mundialmente conoci
y e ta conta cu diferente pais competidor, incluiendo

Corsou y Bonaire.
Aruba lo t’e di tres isla den Reino cu ta bay forma

parti di e proyecto aki.

E 48 Hour Film Project Aruba lo ta bao di encargo

di Fundacion CINEARUBA bao di guia di tanto 48

Hour Film Project Curacao y Bonaire. E tres islanan
ta uni pa crea un conexion entre e habitantenan di

cada isla.

Na principio di october e proyecto lo wordo ehecu-
ta simultaneamente na tur e tres islanan. Unda cu

e team di participantenan lo tin 48 ora pa crea un
pelicula a base di e rekisitonan duna riba e prome dia.

Lo tin un nochi di entregamento di premio p’e mihor

pelicula y otro categorianan, pero tambe pa prome
biaha lo tin un competencia entre e tres islanan.

E miho pelicula di Aruba lo competi cu Curacao y Bo-

naire p’e mihor pelicula di Dutch Caribbean. E pelic-

ula y e team ganador di Aruba lo representa Aruba
n’e Filmapalooza 2020 na Rotterdam y si e pelicula

cay den e diesdos (12) mihornan, e lo participa n’e

Festival di Cannes na Francia.
Diasabra 11 di mei entre 6.30 pa 7.30 di anochi na

Ateliers ‘89 lo tin un presentacion na personanan cu

ta interesa den participa den e 48 Hour Film Project
Aruba.

Ta buscando minimo 10 team pa participa n’e proyec-

to di e aña aki. Cada team por ta consisti di tres pa

diez persona. Riba e anochi aki lo duna informacion
tocante e rekisitonan pa por participa y lo splica mas

con e proyecto ta hinca den otro.
Tur persona ta bon bini pa haya sa mas di e proyecto

aki cu sigur lo yuda showcase Aruba su talentonan lo-

cal riba un plataforma internacional. Pa cual kier pre-
gunta por tuma contacto via info@cinearuba.com.