Page 16 - KPA

Polisnan a baha mal hambra pa gara supuesto ladron mira
ta drenta cas na Saliña Cerca

Friday, 13 January 2017 22:46
Comparti

E polisnan di Noord, Flex Team, Motor Unit a sali mal hambra diabierna anochi pa bay gara ladron
cu a drenta un cas na Saliña Cerca.

A drenta informacion na warda di Shaba cu un bisiña a mira hende straño drenta e cas di otro bisiña
cu actualmente no ta na Aruba. E unidadnan a yega rapidamene na e cas y asina a rondona esaki. E
cas tin cura basta halto. A logra subi muraya y tin Polis cu a drenta e cura bulando muraya. A
cuminsa un buskeda prome den e cura y a mira movecion straño. Cachonan tabata tey y djey a mira
un porta habri. Tres Polis arma a drenta e cas via e porta habri. A resulta cu e cachonan a habri e
porta. E cas tin dos piso. Moviendo den e cas a bin topa cu un señora. E ta bibando den e cas. El a
splica Polis cu no a sinti nada straño. Polisnan asina mes a cana tur rond den e cas y garantiza cu no
tin nada. Despues di a mira bon a resulta berdad cu no tabata tin nada particular. Ta di aplaudi si e
forma cu e Polisnan a reacciona pa asina yega na cantidad pa gara e ladron despues di e Melding. E
area aki tin basta kiebro y aunke e gara varios di e ladronnan, tog despues di sinta nan castigo e
ladronicia ta sigui. Si den e caso di diabierna anochi realmente tabata tin ladron den cas na Saliña
Cerca, e ladron lo a pasa un mal rato.