Page 28 - JUS

CUERPO POLICIAL ARUBA A PARTICIPA NA

UN SEMINARIO PA COMPARTI IDEANAN

NOBO CON PA BRINDA MAS SOSTEN NA E

VICTIMANAN DI VIOLENCIA DOMESTICO

March 6, 2017 Leave a comment

ORANJESTAD, Aruba – Recientemente Cuerpo Policial Aruba a participa na un
seminario relaciona cu e tema di violencia domestico. “Mirando cu e ta un topico
hopi actual, nos a dicidi di organisa un seminario pa Polisnan. Ta tene cuenta cu
diariamente Polis ta confronta cu e tipo di problema aki”, Vanessa Tjon,
Comisario di Polis, a duna di conoce despues di e seminario.

E hefe di Polisnan Civil a conta cu den e trabou regular di Polisnan e parti di
violencia domestico, maltrato y problemanan di pareha ta ripiti su mes tur dia.
Ta importante pa e defensornan di ley ta bon prepara, bon entrena y bon orienta
riba e tema aki. Asina so e Polis por intermedia y saca parehanan di nan
problemanan, evita maltrato, percura pa trata e victimanan of tambe pa persigui
e sospechosonan.

Un grupo grandi di Polis a atende na e seminario, pa cual e Alto Comisario
interino di Cuerpo Policial ta masha contento. E ta convenci cu ta asina so por
conscientisa Polisnan riba e tema aki, su origen y con atende cu e fenomeno
negativo aki den comunidad.

“E ta algo hopi sensitivo. Hopi biaha comunidad ta critica Polis cu nan no ta cla
pa atende cu casonan asina, mirando cu hopi biaha e victimanan ta spera mas y
miho servicio, mas gevoel, mas ayudo, mas sosten, mas comprension di Polis pa
nan caso “, asina Comisario Tjon a splica. E intencion ta, dor di tipo di
seminarionan asina, pa comparti formulanan cu e Polisnan pa brinda mas y miho
servicio na e victimanan, ta mas pendiente di nan caso y purba maneha entre e
trauma cu e persona a keda atras cune y e caso penal andando contra su
agresor.

Polis t’ey pa percura pa orden publico y pa conduci investigacionnan penal. Pero
e ultimo añanan, mas y mas ta spera sosten social for di Polisnan. Na Scol pa
Polis ta prepara hobennan tambe pa e forma nobo aki di haci trabou di Polis,
pero ta importante pa cada pasa tanto tempo bolbe elabora riba e tema aki, cu