Page 26 - AWEMAINTA

26 AWEMainta Diabierna, 10 Mei 2019

RIP Alfred N. “Freddy” Tromp

MANERA e cantica di Frank Sinatra “My Way”

Bo a biba bo bida na bo manera
Pero semper cu Dios den bo mente, alma y curason

Y aunke no ta tur ora cosnan a cana y of mustra bon

Bo a carga bo cruz y sigui reza den bo curason
Dios ta bon

Mi ta tribi bisa esaki, pasobra, muestra di hopi fe

Ta bo bunita sra.esposa Elda, cu nunca a perde fe den Dj’e

Su Hesus, su Luz a sigui briya pa boso dos y boso dos yiunan
Y awe tambe pa boso 2 nietonan precioso den su mesun manera

Awor bo ta mas serca di nan mente, alma y curason
Dios ta bon

Uncle Freddy, bo a biba bo bida y a laga otro biba

Bo no a molestia niun hende, bo a sigui stima
Mi ta bendiciona y orguyoso di tabata un di bo sobrinanan

Bo tambe a canta y toca guitarra, bo tabata un bon ruman

Bo tambe a goza di bo hubentud y bira grandi pa medio
di e gracia di Dios

Y awor bo ta den su Reino, bo a scucha su bos

Danki pa tur cos cu bo a siña y inspira nos cu’ne

Danki pa a mustra nos con unico y diferente cada ser humano por ta
Y no ta na ningun di nos pa huzga, sino acepta e diferencia bunita aki

E camindanan di mundo, tur ta hiba nos na Dios di amor
Dios mes a traha nos cada un den su imagen y semehanza unico

Sciencia asercando e mundo spiritual fantastico

Awor bo por ta un angel wardador pa bo dushi y bunita famia
Bo bida aya lo continua spiritualmente yen di alegria

Condolencia na Elda, Gregory y Jahir y tur su rumannan y demas famia

na Corsou, Hulanda, Canada y claro aki na Aruba.

Ruthy”Lady Ruth” Vrieswijk-Bergen

Aruba, Mei 2019