Page 22 - AVP

Apesar Di Ausencia Di Oposicion Den Reunionnan

Den Parlamento: Aruba Por Ta Oruyoso Di Un

Parlamento Critico, Al Caso, Cu Ta Preocupa P’e

Bienestar Di Nos Pais

 Local

- 29/08/2019

Segun Prome Minister Evelyn Wever Croes

Cumpliendo cu peticion di Parlamento na cuminsamento di gobernacion, Gobierno di
Aruba e siman aki atrobe a presenta na Parlamento pa duna cuenta riba e situacion
financiero di Aruba riba e prome mitar di 2019. Den historia, esaki ta prome biaha cu
esaki ta pasa cu Gobierno ta duna cuenta na Parlamento mitar di aña.

Esaki, Prome Minister Evelyn Wever-Croes a expresa cu ta hopi importante y pa
Parlamento hopi necesario pa haya e informacion aki p’asina nan haci cu nan trabou
mihor posibel.

Ta di lamenta si cu oposicion ta tuma un comportacion hopi infantil y hopi iresponsabel y
a dicidi di no asisti n’e reunionnan, mientras cu esaki ta parti hopi importante di nan
trabou. Apesar di ausencia iresponsabel di oposicion, Prome Minister a elogia e bon nivel
di e reunionnan demostrando responsabilidad financiero, curashi y transparencia.