Page 12 - BNDIA ARUBA

a12 riba caya
Diabierna 28 Juni 2019

Den un par di siman ekiponan lo ta na Aruba

Minister Andin Bikker a bestel ekipo di

radar pa Cuerpo Policial

ORANJESTAD – Despues di a wordo
apodera pa Conseho di Minister y
observa e ultimo formalidadnan
necesario, minister mr. Andin Bikker
a firma e documentacionan rekeri pa
manda pidi e ekiponan di radar pa
Cuerpo Policial.

Den transcurso di otro siman e ekiponan
lo ta riba barco pa cuminsa e biahe pa
Aruba y ta calcula cu den apenas un par
di siman nan lo yega Aruba. Pues pronto
Cuerpo Policial di Aruba lo conta cu su
propio radar, y asina lo sigui optimalisa e
cuido di nos fronteranan den cooperacion
cu otro instancianan.

Bureau City Inspector buscando doño di e

Chevrolet S 10 preto

ORANJESTAD - Tin hopi tempo para ariba e caminda
di bucutiweg dilanti The Vistal Mar 28 . (na Bucuti)

Bureau City Inspector a ricibi hopi yamada cu dilanti The
Vistal Mar 28 na Bucuti weg Tin un pickup Double Cabina
para pa basta tempo y ta stroba entrada pa un cas y ta ariba
caminda publico.
Nos a bay wak e situacion y nos a combersa cu tur e bisiñanan
y nan no sa di kende e auto aki ta , e auto no tin belasting
paga y no tin ningun tipo di documento den e auto aki .Nos
kier a pidi e doño pa por pasa kita e auto aki of tuma contacto
cu nos na Bureau City Inspector na Pos Chiquito 47 of yama
mi persona Robby Rosel na 5829777. Si boso wak mas di e
casonan aki please avisa ariba www.infrAruba .com.