Page 11 - FDLP
P. 11
Diaranson, 26 September 2018 AWEMainta 21
JCI YALA y UNESCO Aruba a tene un
Peace Walk riba Dia Internacional di Paz
DIA 21 di september, Dia Mundial di Paz, JCI
Young Active Leaders of Aruba conhuntamente cu
UNESCO Aruba a organisa un Peace Walk.
E caminata aki ta pa conscientisa y reflexiona riba e
palabra Paz. Kisas nos dushi isla no conoce guera y
otro formanan extremo cu por stroba e paz den nos
comunidad, pero si nos por ta mas amical cu otro,
tin mas paz den nos hogar, den famia y tambe paz
den mente.
Diabierna atardi pa 5 or a cuminsa aglomera na
Linear Park. Participantenan a bin na blanco mane-
ra a ser pidi.
E grupo a consisti di participantenan di e.o. Con-
suladonan na Aruba, club deportivo y tambe Min-
ister di Enseñansa, Ciencia y Desaroyo Sostenibel
dr Armando Rudy Lampe, encarga cu UNESCO,
a bin cana pa aporta na conscientisacion di e dia
importante aki.
A cuminsa cu un warming up duna dor di sra. Can-
di di IBISA p’asina prepara e curpa p’e caminata.
Despues di e tremendo warming up a start pa cana
bay direccion pariba, casi te na Brandweer.
Riba ruta di e 3K a parti stickers di e tur 17 Sus-
tainable Development Goals. A finalisa e caminata
na Plaza Simon Bolivar.
Aki tur presente a forma un Human Peace Sign.
Mundialmente a celebra e dia aki y Aruba tambe a
forma parti di esaki. Tambe a saca e doorprizes y ta
invita tur pa pone nan potret y #peaceispossible pa
un premio cu lo ser saca e fin di e siman aki.
Un danki ta bay p’e sponsornan cu a haci e Peace
Walk posible. Sin lubida e comision organisatorio
y tur boluntario cu a yuda p’e evento bay exitosa-
mente.
Like e facebook-page di JCI Young Active Leaders
of Aruba como tambe esun di UNESCO ARUBA
pa haya sa mas di tur dos organisacion como tambe
pa keda informa di proyecto y actividadnan.
