Page 62 - FDLP
P. 62
Direktiva di Swim Club Orca Curaçao por mira bèk, atrobe, riba un fin di siman hopi
eksitoso na Boneiru, pa e disiplina di waterpolo U14 mucha hòmber i mucha muhé meks.
Djabièrnè 21 di sèptèmber 2018 un delegashon di 19 persona (atleta, dirigente i fanátiko)
a biaha pa Boneiru pa partisipá na un interkambio di Waterpolo, organisá pa e tim di
landamentu i waterpolo Baracuda’s. Tur wega a kuminsá na ora i tur kos a kana manera
mester ta! E wega nan a keda hunga na waf na playa, Noordpier.
Orca a sali gana su promé wega kontra di Baracuda’s djabièrnè atardi 7 pa 6. Un partido
fuerte hungá. Na di 3 período e wega tabata empatá na 5. Pero despues Orca a sa di gana.
Den e di dos wega Orca a gana di Boneiru 8 pa 4. E partido a kana nechi na fabor di
Orca, Orca a lidera e partido.Den e di tres enkuentro, Orca a gana atrobe ku skor di 6 pa
4. Un wega hopi pèrta.Den e di kuater wega, Baracuda’s a gana di Orca 6 pa 4. Un wega
hopi pèrta atrobe.
Ya ta di 3 aña kaba ku e dos ekiponan aki ta interkambiá ku otro dos biaha pa aña. Bo ta
ripará ku e timnan ta bai dilanti i ku e nivel di waterpolo ta krese den nan. Bon trabou di
Baracuda’s i Orca!
Direktiva di Orca ta gradisí tur atleta pa nan komportashon i prestashon, mayornan ku a
bai i ku no a bai, coachnan pa e gran trabou ku nan a desplegá promé ku e biahe i na
Boneiru. Direktiva ta hopi gradesido na boso tur!!!!
