Page 50 - FDLP
P. 50
Sr. William Erasmus a cuminza, mencionando cu esaki ta un carera cu tin hopi aña di
existencia caba, kiermen e ta hopi conoci den nos comunidad y hopi gusta, cu ta wordo
teni riba e ruta di Santa Cruz.
Aña pasa tabata tin 231 participante pa e 10 kilometer, 156 cabayero y 75 dama. Den e
distancia di 6 kilometer tabata tin 448 participante, 227 cabayero y 221 dama.
El a agrega cu e aña aki no ta bay ta diferente. Nan ta spera hopi coredor tambe pa e
carera 2019 y e organizadornan ta trahando pa mehore, por ehemplo bin cu e chip
system. Ya caba por inscribi via website.
El a agrega cu inscribi no kiermen participa automaticamente. Tanten e persona no
paga e no tin su lugar. E inscripcion ta pa mil participante y cada un cu paga tin su
lugar asegura. Nan a hacie internacional, kiermen cu tin personanan di afo cu ta
participa den e carera aki.
E carera aki lo tuma lugar dia 25 di Januari 2019. Nan ta promoviendo e carera aki bao
di “Betico Race”.
Seguidamente sr. Kenneth Carty cu e parti di 10 kilometer ta solamente pa coredornan.
Lo tin tres premio pa e tres mihornan den hende homber y hende muher.
Pa e ruta di 6 kilometer e participantenan por cana of core. Y tambe lo tin tres premio
pa e tres mihornan den categoria masculino y femenino. Riba facebook page por haya e
rutanan exacto, sr. Carty a indica.
Na final e participantenan lo haya nan medaya y ademas fruta, awa y un bebida
energizante. El a haci un invitacion na tur e coredornan pa inscribi y paga na tempo. El
a haci un invitacion na e publico cu semper ta lanta mainta pa mira e carera aki, pa e
bez aki hacie y sali apoya e atletanan.
https://www.diario.aw/2018/11/inscripcion-habri-caba-pa-betico-croes-
memorial-race-2019-dia-25-januari/
