Page 23 - FDLP
P. 23
Core Consciente cu Fundacion Zinnia
durante Ronde van Aruba
Posted on 05/15/2019 10:16 am AST | Updated on 05/15/2019 10:17 am AST
ORANJESTAD - E di 27 edicion di Ronde van Aruba y un biaha mas Fundacion Zinnia
ta participa, pero e biaha aki cu dos team. E 8 participantenan: Naomi Vrolijk, Jeremy
Boekhoudt, Zenon Croes, Wesley Schwengle, Jeremy Besselink, Delon Law, Hildward
Maduro y Chali Koolman, a uni na e bon causa di e Fundacion Zinnia, pa conscientisa
nos pueblo tocante core bou di influencia y su consecuencianan.
E meta tras di esaki ta pa haci donacion pa cada kilometer cu e coredornan core. Cada
ken cu kier haci donacion ta liber pa pone e suma cu nan ta desea. Un total di 72
kilomenter cada team lo core y esaki sigur ta di aplaudi y aprecia e bunita gesto aki. Di e
forma aki Fundacion Zinnia kier recauda su fondonan pa sigui crea campaña y actividad
pa lanta conscientisacion di core bou influencia, cu ainda nos ta wak cu ta keda un
problema na Aruba, cu por perhudica cada un di nos.
