Page 4 - ARUBA AIRLINES
P. 4
Aiport tax di Corsou pa Aruba ta
aumenta cu 50% na 2019
Posted on 11/26/2018 2:54 pm AST | Updated on 11/26/2018 2:54 pm AST
WILLEMSTAD – E impuesto di salida cu pasaheronan di Corsou pa Aruba tin cu
paga, ta aumenta cu 50% entrante 1 di januari 2019. Curacao Airport Partners
(CAP) cu ta maneha e aeropuerto, ta aumenta e tarifa e ora di 20 dollar pa 30
dollar, un aumento di 50%. NoticiaCla a compronde cu Aruba su impuesto di salida
tambe ta poni pa subi, pero esaki no a keda anuncia ainda. Pasaheronan di transito
na Corsou, tin cu paga double entrante e mesun fecha, y esaki ta subi di 5 pa 10
dollar pa pasahero.
TARIFA OTRONAN
Tur tarifa ta conoce un aumento. Esnan cu ta bula di Corsou pa Bonaire lo paga awor 15
dollar enbez di 10 dollar y pasaheronan pa destinacionan internacional (no Caribe
Hulandes) tin cu paga 3 dollar mas di 39 dollar pa 42 dollar. Tarifa di parker di avionan
tambe ta subi. Esaki ta bira di 6 dollar pa tonelada maximum takeoff weight (mtow) pa
7.33 dollar.
