Page 18 - FDLP
P. 18
ORANJESTAD (AAN) – Otro punto di agenda cu Parlamentario Endy Croes, di fraccion di
MEP a toca, durante e conferencia semanal di prensa, dialuna mainta, ta e Olimpiada
Escolar Betico Croes.
Croes a expresa cu e ta hopi contento cu Minister di Deporte, hunto cu su instancianan
deportivo, a lanza e Olimpiada Escolar Betico Croes, cu lo start dia 24 di Mei awor.
E parlamentario a subraya cu tempo di minister Ramon Lee, e actividad aki tabata hopi
exitoso unda cu den diferente categoria di deporte a trece scolnan hunto den un
olimpiada escolar.
Dia 24 di Mei, el a subraya, e Olimpiada Escolar Betico Croes lo mira luz di dia, despues
di ocho aña di negligencia for di gobierno anterior.
Apertura lo bay ta den Guillermo Prospero Trinidad Stadion, y el a pidi henter
comunidad pa keda pendiente di e anuncionan oficial, for di Ministerio di Deporte, pa
duna sosten na e actividad aki pa asina brinda nos muchanan, e oportunidad di practica
deporte pa motiva e muchanan pa competi y forma nos hubentud na e manera aki.
https://www.diario.aw/2019/05/endy-croes-contento-cu-olimpiada-escolar-betico-croes-ta-bek/
