Page 15 - ROBERT CANDELARIA
P. 15
Parlamentario Endy Croes: Candelaria ta anda cu
hende robes
August 1, 2018
Segun Candelaria gobierno a priminti Radar, Helicopter y 200 Polis pero nada ainda
Segun Parlamentario Endy Croes, Robert Candelaria ta anda cu hende robes y a pega cu e malesa di caya di
AVP. Croes a tuma nota di Candelaria su declaracionnan den conferencia di prensa di AVP diamars 31 di Juli
ultimo. Na prome lugar Candelaria mester tin hopi berguensa pa ta esun di AVP cu kier trece e cosnan aki
dilanti. Candelaria debe pais Aruba 4 ticket di Corsou pa Aruba como cu Mike Eman a paga esakinan pe na
Juni y Juli 2017 pa Candelaria bula bin Aruba riba custia di e pueblo aki bao titulo di “werkbespreking” siendo
Candelaria ta biba y traha na Corsou. Tambe Candelaria a subi lista di AVP y a cuminsa cobra Afl. 8000 pa
luna como coordinador di Mike De Meza. Esey no ta tur pasobra el a negocia tambe pa e bira Directeur na
Scheepvaart. Pues un abusador di pueblo so por tuma tanto placa den corto tempo y lo keda exigi Candelaria
pa por lo menos paga e 4 ticketnan aki bek na pais Aruba.
