Page 30 - AWEMAINTA
P. 30
30 Corsou AWEMainta Diamars, 28 Mei 2019
Recompensa pa informacion
WILLEMSTAD - Den oranan di madrugá di dia 31 di
janüari 2019, a tuma lugar un intento di ladronisia bou
di condicionnan pisá, caminda por lo ménos 4 hòmber lo
a trata na saca sèn for di un bancomático.
E bankomático aki ta ubiká den e edificio di Botica Tera
Kòrá. Durante e acto por mira claramente con tres tipo
cu cara y gran parti di nan curpa cubrí, ta drenta den e
espacio di e bancomático.
Haciendo uso di gas y vuurwerk, nan ta causa explosion
n’e bancomático cu e intencion pa saca placa for di dje.
E explosion tabatin un destruccion enorme como resul-
tado, di tanto e edificio den cua e bancomático tabata
como e edificio di botica Tera Kòrá.
Riba e video por mira con e tres sospechosonan ta drenta
den e espacio y destruí e mashin.
Sospechoso #1 tabata bistí cu un jas di (winter) color
blou, cara y wowo tapá cu un paña blanco. E ta tin un
kèds preto cu tres raya blanco di marca Addidas; carson
di entrená colo blou scur di marca Reebok, oloshi blanco
na su man robes y tambe e tin un tatuahe n’e parti abou
di su pòls drechi den forma di un lèter òf cifra.
Sospechoso #2 ta bisti cu un hoody (Tshirt cu capuchon)
coló shinishi. Por mira claramente cu e tipo aki tin ca-
beinan di dread basta largo lorá den e hoody.
Esaki tabatin un jeans colór scur, faha color crèm y un
kèds blanco cu shinishi di marca Nike 7R.
Sospechoso #3 tabatin un pèchi preto di marca Addidas
y cara tapá cu un paña preto. E tabatin un “jacket” manga
largo color preto di bòlter, di marca Addidas y un jeans
color còrá y un kèds color shinishi di marca Nike Jorden.
Tambe e tabatin un handschoen color oraño y preto bistí.
Den cuadro di e investigacion ta pidi comunidad coop-
eracion pa yuda identificá p’asina por detené e sospecho-
sonan.
Ministerio Público den cooperacion cu banconan lokal
a pone un suma di 5 mil florin (fls 5.000,-) disponibel,
p’esun cu por duna informacion cu por trece solucion den
e caso aki.
E liña anónimo pa duna informacion ta 108.
