Page 15 - FDLP

Cua ta e diferencia cu a capta bo mas entre e Boot y windsurfing riba lama?

Wel, den naturalesa cos nan por cambia diripente y esey ta locual mi ta gusta di ta riba
lama. Cada ola cada biento cu supla ta diferente y e ta siñabo pa bo ta concentra den e

momento. Y tambe cu bo meste adapta na cualkier momento.

Windsurf paden ta trese cu ne cu e sport ta bira mas accesibel y cu bo por train bon paso e
condicion nan ta keda mes cos, esta di e ola y biento . Esaki ta haña su balor despues ora

un persona subi riba lama.

Bo ta 11 biaha Campion Mundial di windsurfing cup Sylt den categoria di Freestyle y
tambe bo ta ganador di 4 titulo mas den e categoria di Slalom -15 Titulo di Campion
Mundial na un edad di 27 aña so! Bo a pensa algun dia cu lo bo a yega asina leeuw

ora bo wak back na e prome biaha cu bo a cuminsa cu e deporte di windsurf?

Woohooo! Mi ta lubida riba esey tin biaha. Mi ta wak cada competencia riba su mes. Pero
ora mi bai back y pensa riba locual cu mi logra mi ta pensa ta con esey a pasa y unda tur e

tempo ei a bai? Mi nunca a pensa pa bira campion mundial. Mi ta semper a pensa cu mi ta
hasie e deporte aki paso mi ta gusta. Y mi ta gusta competi paso esey ta yudami pa mi
yega mas leew den e deporte aki y mas leew mi yega mas mi ta disfruta di cada momento.

Sooo…mi ta kere cu mi lo sigi competi pa varios tempo mas.

Sarah-Quita bo ta kere cu ta hasi un diferencia ora di surf si bo ta un hende muher of
hende homber?

Wel e diferencia ta cu fysicamente un hende homber ta normalmente mas fuerte cu un
hende muher, y esey ta algo cu nos no por cambia. Dus hende homber nan lo bai masn
halto y nan lo por bira mas lihe. Sinembargo mi ta ripara cu e nivel di hende muher
compara cu 5 aña pasa, pami mes esey ta algo cu ta ponemi pusha mi mes pa bira miho.

Bo ta haña cu tin suficiente hende muher ta hasi e deporte aki ?

Definitivamente no tin mucho hende muher ta windsurf y mi lo tin gana pa wak mas “girl
power” riba lama. Ora mi ta na Aruba of na otro pais nan mi ta wak hopi mas hende homber

den awa. Pero toch ora mi competi mi ta haña mi mes rondona di hende muher nan
fabuloso, cu ta inspira ami. Y nan ta pone mi pusha mi limit pa mi hasi mihor possibel.