Page 29 - ARUBA BANK

unda cu a pone rumbo unda ta bay pa e Financieel Toezicht. E LAft ta bay stop,
ya cu tres aña a pasa. P’esey a firma un protcol y prome cu 31 di december e
LAft mester a bin caba. Y ta p’esey ta papia cu e minister concerni, cual ta

normal, ya cu CAft a haci cierto pregunta, cu e minister a contesta caba.

Ta a base di nan contactonan cu otro, nan ta delibera cu otro pa contesta otro.
Pero pa parlamento ta bon pa nan sa den un reunion publico, minister ta bin

duna cuenta. E transparencia ta algo mas importante den e caso aki.
Transparencia, pasobra cu nan a priminti esaki na comunidad, ora cu ora bin un

cambio, parlamento y minister mester haci su trabao. A ripara cu e minister no
tin problema, ya cu e tambe ta haciendo su trabao, cu no ta uno facil. Pero
asina democracia mester funciona. No mester lubida, segun Sr. mr. Ady

Thijsen, cu CAft ta un Adviesorgaan (Organo Consultivo). E ta un Organo
Consultivo pa Gobierno di Reino, y Raad Van Advies tambe mester a duna su

conseho ariba e cambio di ley, e ley a wordo cambia. E mester yega
Parlamento, y e ta na gobierno ainda. Y ora cu gobierno ta cla cu esaki, e ta

wordo pasa den parlamento, pa wak si ta cambi’e si of no. Parlamento tin
delaster palabra. Nan tin e decision den nan man pa loke ta e Financieel

Toezicht.

Parlamento ta sigui e desaroyo, y nan ta yama e minister. E biaha aki ta e

toezicht, pero un otro biaha e por ta e minister di Infrastructura of Salubridad
Publico. Esey ta e manera cu Parlamento ta traha. Pueblo mester sigui e

desaroyonan, e mester sa kico ta pasando. Nan mester cumpli cu pueblo pa
loke ta transparencia, pa decisionnan cu mester wordo tuma, vooral loke ta toca

e futuro di e pais aki.

Tres cos cu ta hopi importante: reestablece, drecha nos estado di derecho cu a
bay perdi durante gobernacion anterior, di dos ta pa soluciona nos problemanan
social economico financiero cual cu gobierno ta bezig ta haciendo. Y di tres, cu

no mester lubida ya cu e ta hopi importante, mirando cu mester reestablece e
posicion constitucional di pais Aruba den Reino Hulandes. Y esey tambe ta loke

mester tene cuenta cun’e, pasobra esey ta e posicion cu ta duna e forsa pa sigui