Page 5 - MIN JUS 17 FEB, 2017

4 AWEMainta Diabierna, 17 Februari 2017

Corte a sentencia
Corte a sentencia

Rafael Dos Santos
Rafael Dos Santos

na 42 luna di prizon
na 42 luna di prizon

AYERA Corte a sentencia e sospechoso Rafael Dos Santos na 42
luna di prizon. Esaki ta di acuerdo cu e demanda di Fiscal di Min-
isterio Publico, cu a ser masha cuestiona pa pueblo.
A mustra cu e sospechoso ta culpabel pa intento di violacion cu un
mucha muher di 15 aña di edad.
Ademas, e sospechoso ta un conoci di e victima. E victima a wordo
rescata na tempo pa Polis ora e sospechoso tabata purbando di
abusa di dj’e.
Na momento cu el a mira Polis yegando n’e auto, el a purba huy
cu e victima den auto, pero finalmente a keda deteni.
Corte a mustra cu e victima a pasa den hopi angustia, cual hecho
a causa preocupacion publico.

E sospechoso tambe ta wordo acusa di a comete actonan inmoral
cu e mucha muher tempo e tabatin 13 aña di edad.
Abusando di e victima su confiansa y di su propio posicion como
adulto, el a comete violacion grave rib’e victima su integridad cor-
poral.
Den ambos caso e victima ta haya su mes den un posicion vulnerabel.
Fuera di esey, muchanan cu ta someti na actonan sexual di e tipo aki na un
edad asina hoben ta crea daño mental, fisico y emocional grandi cu por per-
hudica nan desaroyo.
Corte a mustra cu e sospechoso no tin ningun antecedente penal. Ademas,
a mustra cu e sospechoso a wordo exponi publicamente den diferente
media.
Como experto, e orthopedagogico forensico, kende a atende cu e
sospechoso y raporta cu enberdad e sospechoso no por rasona.
Pero Huez no a tuma esaki den consideracion di su condena, mi-
rando cu e pruebanan haci no ta consistente y e supuesto falta di
desaroyo di su estado mental no ta influencia su comportacion
cu lo a impedi su actuacion. Manera menciona e castigo imponi
pa Huez a keda conforme e exigencia di Fiscal.