Page 12 - LOTTO
P. 12
ORANJESTAD (AAN): Despues di un exitoso torneo individual den club di SportBoys
na Angochi celebrando Individual Copa Rey 2017, e federacion di Domino, Aruba
Domino Bond ta cla pa ranca sali cu nan campeonato 2017. Un total di 9 ekipo a
inscribi pa e campeonato aki, nan ta: Bubali DT, Goldstone DT, Noordstars DT, Old Parr
DT, Ottleys DT, Sport Boys DT, Scorpio DT, Trappers DT y Extreme DT.
Aña pasa den e campeonato di 2016 a keda como e campeonnan absoluto, e ekipo di
Noordstars “Pizza hut” Domino team sigui pa e legendario ekipo di Old Parr domino
team, na di tres lugar nos a haya Ottley’s domino team y na di 4 lugar, e ekipo di
Xtreme domino team. Mas cu claro e ekipo nan aki tur lo bin defende nan posicion
mientras otronan lo traha duro pa subi di posicion. E ceremonia di apertura di e
campeonato di domino lo ta diabierna awor na compleho di Riverplate na Playa Pabou y
ta cuminsa pa7.30 di anochi. Aruba Domino Bond ta spera un y tur presente pa asina
duna inicio na e campeonato di domino 2017.
Un danki sigur na Lotto, e Loteria di Aruba pa medio di Comision di Subsidio cu a
subsidia e campeonato 2017 organiza pa Aruba Domino Bond.
Cumprando weganan di Lotto, e Loteria di Aruba bo ta contribui na deporte riba nos
isla. Meta di e fundacion ta pa organiza loteria, cambia bida di su hungadornan y na
mes momento inverti den deporte local pa medio di donacionnan na e Comision di
Subsidio.
