Page 5 - WEB

Diabierna, 31 Augustus 2018 AWEMainta 23

Arie Lichtenstein cu cosecha di Patia Organico

FOR di tres luna pasa, sr. Arie Lichtenstein tabata ocupa su mes
cu plantamento di Patia Organico. Awe e por mira e fruto di un

trabou duro asina mes cu scarcedad di awa.

Nos conoce sr. Lichtenstein su trayectoria for di momento cu el a
establece su “shadehousenan” situa na Shete, Santa Cruz pariba

caminda e tabata planta for di inicio tanto comcomber di salada y
tambe tomati.

Esakinan e tabata bende cu mayoría hotel y restaurantnan rond

Aruba.

Nos ta na altura tambe cu después di e secura pa varios aña sr.
Arie Lichtenstein a confronta hopi problema pa motibo di scarse-

dad di awa. Awa pa varios aña no tabata yobe suficiente. Esaki a

haci tambe cu nan di Santa Rosa a entrega awa na entre otro sr.
Lichtenstein tambe a bira minimo y tin biaha no por a cumpli

cune debi cu damnan a cuminsa seca cu ta solamente tera so. Bo

tabata mira den e fondo di e damnan rond Aruba.
E secura aki a crea e problema cu dado momento cu e mester a

stop completamente cu su plantacionnan.

Awe cu sumo placer nos por a bay haci sr. Arie Lichtenstein un

bishita caminda cu e poco awa cu nan di Santa Rosa tabata en-
trega pa cu su plantacion el a logra cuminsa planta Patia. Despues

di tres luna por mira cu tin patia cu a wordo planta riba nos dushi

suelo y organico.
Nos por a tuma nota cu el a hasi uzo di 4 di su “Greenhousenan”

pa por a planta un cantidad basta grandi di patia.

Nos ta haci un invitacion na henter pueblo di Aruba pa bishita sr.

Lichtenstein n’e “Famers under the Stars” cu lo tuma lugar awe
diabierna 31 di augustus na “Cosecha” situa na Forth Zoutman,

na Zoutmanstraat 1 caminda cu e lo tey presente p’asina Aruba

completo por haya Patia fresco y organico pa cumpra.
Esaki ta cuminsa for di 6’or di atardi te cu 10’or di anochi. Dia-

domingo dia 2 di september tambe sr. Arie Lichtenstein lo ta

presente na Ostrich Farm durante nan Famer’s Market cu su pati-
anan pa ofrece henter pueblo di Aruba.

Dialuna di 3 di september sr. Lichtenstein lo ta na Santa Rosa

caminda tambe henter pueblo di Aruba por bin cumpra Patia or-

ganico.
Aruba nos por, nos hendenan por falta abo so pa sostene nos agri-

cultornan cumprando localmente den e caso aki e fruta dushi aki
cu yama Patia planta riba nos dushi suelo. Nos ta wardabo!