Page 32 - AHATA

ORANJESTAD (AAN): Pa locual cu ta e departamento di Inmigracion, na 2018 minister
Bikker a instala un Management Team pa reorganisa e departamento aki como tambe e
departamento di Warda Nos Costa. Y esaki mester a finalisa na december 2018, cual no
a tuma luga. Sr. Rene Bernabela, lider di sindicato TOPA ta amplia riba esaki.

El a bisa cu ainda tin hopi trabao pa haci, pa loke ta e departamento di Migracion. Si
por papia ariba Formatierapport, Salarisstructuur, e parti pa locual ta e werktijden, etc.
Y e Instellings Besluit, y pa e motibo aki no por a wordo firma na december.

Esaki no ta kita afo cu a tuma contacto cu e departamento di Recurso Humano cu ta
involucra den henter e desaroyo aki. TOPA a sugeri pa den januari, continua pa por
finalisa e dialogo pa locual ta e firmamento di Instellings Besluit, y tur e otro

aspectonan cu a caba di menciona, pa asina rond af y Migracion cuminsa na conoce un
adelanto nobo.

Esaki ainda no ta e caso, ya cu ainda ta wardando ariba e materialnan cu e

departamento di Recursonan Humano analisa esaki, pa despues bay den reunion ariba
esaki.

PUNTONAN DI ATENCION

Den caso di Imigracion, su derecho di existencia. Hopi aña pasa, Imigracion tabata

resorta bou di Cuerpo Policial, y despues cu a sali bao di Cuerpo Policial, Imigracion a
keda traha bao di IASA, te na e momentonan aki.

Pero nunca a wordo confirma e identidad via un Instellings Besluit, pa asina duna e

identidad di Inmigracion un posicion fiho pa locual ta departamento. Esey ta prome cos
cu ta tuma luga na e momentonan aki. Y na momento cu e Instellings Besluit wordo
firma, TOPA lo tin di papia tambe ariba e posicion di henter e personal cu ta trahando
na Inmigracion cu ta trahando na Warda Nos Costa.

Pa 8 aña largo e personal no a haya niun sorto di material pa eherce nan trabao. Y
esaki ta tipo di discusionnan cu ainda mester wordo hiba.